[ندعوك للتسجيل في المنتدى أو التعريف بنفسك لمعاينة هذه الصورة]لما تشوف الشباب اللي قاعدين على القهاوى أو الكافيتريات لحد الفجر ولما تلاقى الأولاد بتعاكس البنات فى الشارع أو شباب قاعدين فى المواصلات سيبين الكبار واقفين بالتأكيد أول شئ هتفكر فيه هو إن شباب البلد دى ما فيهومش خير!
لكن لو دققت النظر أكثر وأكثر بالتأكيد هتغير وجهة نظرك خالص لأن الشباب اللي بيحب الخير للناس أكثر بكثير من الشباب اللي مش بيفكر إلا فى نفسه .
ففي دور الأيتام و فى دور المسنين وفى جمعيات الخير وفى المستشفيات وفى كل مكان بيزرع الخير هتلاقى شباب مصرى بكل بساطة عايز يعمل حاجة حاول وبيحاول يساعد غيرة حتى لو بابسط شئ يملكة وهو وقتة .
شارع فيصل بالجيزة هناك أكثر من 750 شاب يخدموا الأطفال الأيتام وأطفال الشوارع و الأسر الفقيرة وفى جمعية "فتحة خير " أكثر من 300 شاب يخدموا سكان المناطق الفقيرة وبيساعدوهم فى مشروعات صغيرة فى القطاميةو المقطم ومصر القديمة " القاهرة "
وجمعية صناع الحياة "وجمعية الخدمات الاجتماعية العامة" بمصر الجديدة يوفروا الملابس والأكل للفقراء وكفالة الايتام "وجمعية علشانك يابلدى " أسستها فتاة مع صديقاتها رغده الابراشى "22سنه"لنشر التوعية الصحية و الدينية السليمة فى مصر القديمة وتشجيع المشروعات الصغيرة ومنح القروض للشباب وتنمية مهاراتهم الإبتكارية و الاهتمام بالأطفال و اكتشاف مواهبهم وتنميتها .
هذا ما تقوم به جميع الجمعيات التى ذكرناها وكلها أسسها شباب من الجنسين لشعورهم بالمسؤولية نحو وطنهم وشعبهم ياللا بينا نبدأ ونجرب ونشوف نعمل أية نتضم لجمعية أهلية أو مركز شباب ونقدم خدماتنا لأهلنا وأصحابنا ده فيه ناس كتيرة مستنية خدماتك عزيزي الشاب وعزيزتي الشابة ممكن نجرب ونشارك فى أى عمل خيرى ، بالتأكيد هتلاقى اللى يشجعك وإحنا كمان بنشجعك يالاه مستنى أية .
لو عايز تعرف إزاى تمارس الانشطة الخيرية و التطوعية أسال عن أقرب جمعية أهلية فى المكان الذى تسكن فيه أو عن أقرب مركز شباب ولو مالاقيتش أسال فى أقرب مديرية للشئون الاجتماعية أو فى الاتحاد العام للجمعيات الأهلية بالقاهرة شارع الجلاء – المهم أنك تسأل ، بادر ، يالاه تطوع .
السبت أغسطس 27, 2011 10:05 pm من طرف 
موضوع: شباب فيهم الخير ..... بيساعدوا الغير 
