اراء الاخرين فيك

. أنت دايما بتمشي
(a) بسرعة, مع خطوات طويلة. (6 نقاط)
(b) بسرعة, مع خطوات سريعة وقصيرة. (4 نقاط)
(c) رأسك مرفوعة لفوق و بتبص قدامك. (7 نقاط)
(d) بطيء و بتبص تحت رجليك. ( نقطتان)
(e) بطيء جداً. ( نقطة واحدة )

2. عندما بتتكلم مع الناس
(a) بتقف و ايديك جنبك. (4 نقاط)
(b) بتقف و ايديك متشبكة. ( نقطتان)
(c) بتقف و تحط ايديك على وسطك. ( 5 نقاط )
(d) تلمس او تحط ايديك على اللى بتتكلم معاه. ( 7 نقاط )
(e) تلعب بودانك, أو تلعب بدقنك , أو تلعب بشعرك. ( 6 نقاط)

3. لما بتكون بشكل مريح بتكون....
(a) ركبتك متنية. ( 4 نقاط )
(b) رجليك حوالين بعضها. ( 6 نقاط )
(c) رجليك بتكون ممدودة بشكل مستقيم. ( نقطتان )
(d)رجل واحدة ملفوفة أو مطوية تحتك. ( نقطة واحدة )
(e) رجل محطوطة على الرجل التانية. ( 5 نقاط )

4. لما بتسمع حاجة تضحكك...
(a) تضحك ضحكة بصوت عالى.( 6 نقاط )
(b) تضحك لكن مش بصوت عالي ( 4 نقاط )
(c) تضحك بينك وبين نفسك من بصوت واطى. ( 3 نقاط )
(d) تبتسم ابتسامة رقيقة ( 5 نقاط )
(e)تضحك بشكل هيستيرى.( نقطتان )

5. لما بتروح حفلة أو اجتماع كبير فأنت ...
(a) بتدخل بقوة علشان تنبه الناس لوجودك. ( 6 نقاط )
(b) بتدخل بهدوء وتدور عن أي حد تعرفه ( 4 نقاط )
(c) بتدخل بهدوء وتحاول أن محدش ياخد باله منك. ( نقطتان )
(d) بتدخل و لازم يكون معاك حد. ( 5 نقاط )
(e) مش بتدخل الا لما حد من الناس اللى جوه يجيى ياخدك.( نقطة واحدة )

6. أي لون من الالوان دى بتفضلها اكتر
(a) الاحمر والبرتقالي ( 6 نقاط )
(b) الاسود ( 7 نقاط )
(c) الاصفر او الازرق الفاتح ( 5 نقاط )
(d) الاخضر و الازرق القاتم او البنفسج ( 4 نقاط )
(e) الابيض و البني أو الرمادي ( 3 نقاط )

7. لما بتكون في السرير, قبل النوم بتنام وانت...
(a) ممد على ظهرك ( 7 نقاط )
(b) نايم على وشك وبطنك ( 6 نقاط )
(c) نايم على جنب واحد, رجليك متنية ( 4 نقاط )
(d) نايم على جنب واحد و بتحط ايديك تحت رأسك ( نقطتان )
(e) نايم ورأسك متغطية ( نقطة واحدة )

8. احياناً تحلم انك ....
(a) بتقع أو بتتعارك و بتقاوم حد( 4 نقاط)
(b) بتدور عن حد او عن شيء ( 3 نقاط )
(c) بتطير أو بتعوم ( 5 نقاط )
(d) غالباً ما بتحلمش ( 6 نقاط )
(e) احلامك دائماً سعيدة ( نقطة واحدة )

احسب النقط اللي جمعتها
النتايج:

60 نقطة او اكتر:
الناس شايفينك انسان متباهي, و بتحب تجذب الانتباه, فانت شخص مسيطر بشكل فظيع و فى ناس تانية معجبين بيك وبيتمنوا أنهم يكونوا زيك ولكنهم مش واثقين بيك, بيترددوا فى علاقاتهم بيك.

النقط ما بين 51 إلى 60:
الناس شايفينك شخصيه مثيرة للاهتمام،متقلبه ومندفعة انت قائد او مسيطر بالفطرة بتاخد قرارتك بسرعة. جريء و مغامر, بتحب أنك تستغل الفرص. وبتخلى الناس اللى معاك تستمتع برفقتك.
النقط من 41 إلى 50:
اصحابك شايفينك شخصية نشيطة, حيوية, ممتعة, مسلية, عملية, ودايماً ممتع بتجذب الانتباه, شخص متوازن،مش بتزعج الاخرين ابدا ، صحبتك بتبهجهم وتسعدهم.
النقط من 31 إلى 40:
اصحابك بيقولوا عنك انك أنسان حساس, حذر, عملى، موهوب, متواضع، مش من النوع اللي ممكن يقيم صداقات بسرعة او بسهولة, لكن انت شديد الوفاء و بتتوقع الوفاء بالمثل، اللى عارفينك عز المعرفة متأكدين انه من الصعب هز ثقتك باصدقائك.
النقط من 21 إلى 30:
اصدقائك شايفينك شخص مجتهد وصعب ارضاءك و عارفين عنك ان انت حذر, وشديد العناية, بطيء و خطواتك ثابتة و ممكن يدهشهم لو قمت بعمل بطريقة مندفعة او قمت بعمل مثير في لحظة لأنهم بيتوقعوا منك انك تدقق في كل حاجة, لأن شخصيتك متأنية.
تحت 21 نقطة:
الناس شايفينك شخص خجول, متوتر, ومتردد فأنت بتحتاج دايما للاهتمام, و انت شخص دايماً بيعتمد على الاخرين في اتخاذ قراراته و مش بتحب الاختلاط مع اي شخص او التدخل في أي شيء. و بتعمل دايما من الحبة قبة.